ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) බංග්ලාදේශයේ තොරතුරු හා සන්නිවේදන තාක්ෂණ ක්ෂේත්‍රය සමඟ පවත්නා සහයෝගීතාව වැඩි දියුණු කිරීමට සැරසෙයි

ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) බංග්ලාදේශයේ තොරතුරු හා සන්නිවේදන තාක්ෂණ ක්ෂේත්‍රය සමඟ පවත්නා සහයෝගීතාව වැඩි දියුණු කිරීමට සැරසෙයි

ඩකා නුවර ශ්‍රී ලංකා මහ කොමසාරිස් කාර්යාලය, ශ්‍රී ලංකාවේ සහ බංග්ලාදේශයේ තොරතුරු හා සන්නිවේදන තාන්ෂණ ක්ෂේත්‍රය සහ ඩිජිටල් ආර්ථිකය වැඩිදියුණු කිරීම සඳහා පවතින අවස්ථා ගවේෂණය කිරීම සඳහා ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ (ICTA) සහ බංග්ලාදේශ මෘදුකාංග සහ තොරතුරු සේවා සංගමයේ (BASIS) සහභාගීත්වයෙන් ජනවාරි 05 වැනි දින අතථ්‍ය හමුවක් සංවිධානය කළේ ය.

මෙහිදී සවිස්තරාත්මක ඉදිරිපත් කිරීමක් සිදු කළ ICTA හි සහකාර ප්‍රධාන ඩිජිටල් ආර්ථික නිලධාරී සචින්ද්‍ර සමරරත්න මහතා සහ එහි කර්මාන්ත සංවර්ධන අධ්‍යක්ෂිකා චිරන්ති බාලපටබැඳි මහත්මිය, ශ්‍රී ලංකාවේ තොරතුරු හා සන්නිවේදන තාක්ෂණ කර්මාන්තය, එහි ශක්තීන් සහ සහයෝගය පැවැත්විය හැකි ක්ෂේත්‍ර පිළිබඳව පැහැදිලි කළහ. තවද, මෙරට ඩිජිටල් ආර්ථිකය දියුණු කිරීම සඳහා ශ්‍රී ලංකාව යොදාගන්නා පස් වසරක උපායමාර්ගය පිළිබඳව ද ඔවුහු  විස්තර කළහ.

මෙම සාකච්ඡාවට නායකත්වය දුන්, BASIS හි උප සභාපති ෆාහිම් අහමඩ් සහ මහතා ICTA හි නිලධාරීහු,  සහයෝගීතාව පැවැත්විය හැකි විභව ක්ෂේත්‍ර පිළිබඳව සාකච්ඡා කළ අතර, BASIS හි සාමාජිකයන් ICTA ආයතනය සමඟ සම්බන්ධ කිරීම, තොරතුරු හා සන්නිවේදන තාක්ෂණ ක්ෂේත්‍රයේ නියෝජිතයන් හුවමාරු කරගැනීම, තොරතුරු හා සන්නිවේදන තාක්ෂණ අධ්‍යාපනය ප්‍රවර්ධනය කිරීම සඳහා විශ්වවිද්‍යාල සමඟ පවත්නා සබඳතා ඉහළ නැංවීම, කුසලතා සංවර්ධනය සහ ධාරිතාව පිළිබඳ විශේෂඥ දැනුම බෙදාගැනීම ඊට ඇතුළත් විය.

ශ්‍රී ලංකා මහ කොමසාරිස් කාර්යාලයේ ප්‍රථම ලේකම් (වාණිජ්‍ය) ශ්‍රීමාලි ජයරත්න මහත්මිය මෙම සාකච්ඡාවට සහභාගී වූවා ය.

ශ්‍රී ලංකා මහ කොමසාරිස් කාර්යාලය

ඩකා

2023 ජනවාරි 5 වැනි දින

Print Friendly, PDF & Email
Please follow and like us:

Close