ජෝර්දානයේ ශ්‍රී ලංකා තානාපති කාර්යාලය 2023 ඔක්තෝම්බර් 07 වන දින අල් හුසේන් යූත් සිටි හි පැවති 59 වන වාර්ෂික රාජ්‍යතාන්ත්‍රික වෙළඳපොළ සඳහා සහභාගී විය. දිවංගත සෙයින් අල් ෂරාෆ් රැජින විසින් 1958 දී ආරම්භ කරන ලද Mabarrat Um Al Hussein ළමා නිවාසයට උපකාර කිරීමේ අරමුණින් HRH කුමරිය Basma Bint Talal ගේ ප්‍රධානත්වයෙන් මෙම උත්සවය සංවිධානය කරන ලදී.
හස්ත කර්මාන්ත, පොල් නිෂ්පාදන, බතික්, පන් සහ බට නිෂ්පාදන, ලංකා තේ සහ ශ්‍රී ලංකා ආහාරපාන හරහා ශ්‍රී ලංකාවේ අනන්‍ය සංස්කෘතික අනන්‍යතාවය ප්‍රදර්ශනය කිරීම සඳහා ශ්‍රී ලංකා තානාපති කාර්යාලය කුටි දෙකක් පිහිටුවා ඇත.
ජෝර්දානයේ Mas Al Safi Apparel Manufacturing LLC හි ශ්‍රී ලාංකික සේවකයින් විසින් ඉදිරිපත් කරන ලද විචිත්‍රවත් නර්තන ප්‍රසංග මෙම උත්සවයේ එක් විශේෂත්වයක් විය. මෙම ප්‍රසංගවලට ශ්‍රී ලාංකේය සම්භාව්‍ය නැටුම් ඇතුළත් වූ අතර ශ්‍රී ලංකාවේ පොහොසත් සංස්කෘතික උරුමයන් ප්‍රදර්ශනය කිරීම අරමුණු විය.
බාස්මා කුමරිය තානාපතිවරුන් සහ රාජ්‍ය තාන්ත්‍රික දූත මණ්ඩල නියෝජිතයන් සමඟ ලොව පුරා බොහෝ ප්‍රදේශවලින් හස්ත කර්මාන්ත නිෂ්පාදන සහ සාම්ප්‍රදායික ආහාර වර්ග රාශියක් ඇතුළත් වෙළඳපො‍ළෙහි සංචාරය කළේය.
ශ්‍රී ලාංකේය ප්‍රදර්ශන කුටි නැරඹීමට යන අතරවාරයේදී, කුමරිය, වෙළඳපොළ සඳහා සහභාගී වූ දුත මණ්ඩලය සිය ප්‍රසාදය පළ කළ අතර, ශ්‍රී ලාංකේය සම්ප්‍රදායික නිෂ්පාදන අගය කරන බව ද ප්‍රකාශ කළාය.
ශ්‍රී ලංකාවේ ප්‍රදර්ශන කුටි බොහෝ ජෝර්දාන සහ විදේශීය අමුත්තන් ආකර්ෂණය කර ගත්හ. Ceylon තේ, පොල් නිෂ්පාදන සහ කුළුබඩු සඳහා ඉහළ ඉල්ලුමක් ද තිබුණි.
අම්මාන් හි පිහිටි රාජ්‍යතාන්ත්‍රික දූත මණ්ඩල 40 ක් පමණ මේ සඳහා සහභාගී විය.
ශ්‍රී ලංකා තානාපති කාර්යාලය
අම්මාන්
2023 ඔක්තෝබර් 13
