අවසන් වරට මැයි 19 වැනි දින රැඳවියන් 103 දෙනෙකු සෞදි ගුවන් සේවයේ SV 786 යානයෙන් ශ්‍රී ලංකාවට ආපසු පැමිණීමත් සමඟ රියාද් සහ ජෙඩා හි රැඳවුම් කඳවුරුවල රඳවා සිටි ශ්‍රී ලාංකික සංක්‍රමණික ශ්‍රමිකයන් නැවත මෙරටට ගෙන්වා ගැනීම අවසන් කර තිබේ.
2021 අප්‍රේල් මාසයේ දී ශ්‍රී ලංකා තානාපති කාර්යාලය විසින් ආරම්භ කරන ලද නැවත මෙරටට ගෙන්වා ගැනීමේ ක‍්‍රියාවලියේ අවසාන අදියර මෙයයි. මෙම නවතම පොකුර සමඟ කාන්තාවන් 49 ක් සහ පිරිමින් 131 ක් ඇතුළු පුද්ගලයන් 180 දෙනෙක් නැවත ශ්‍රී ලංකාවට රැගෙනවිත් තිබේ. 2020 ජූලි මාසයේ සිට පිටුවහල් කළ ශ්‍රී ලාංකිකයන් 334 දෙනෙකු සෞදි අරාබියේ සිට නැවත ශ්‍රී ලංකාවට පැමිණ ඇත.
පිටුවහල් කිරීමේ කඳවුරේ රැඳවියන් නැවත මෙරටට ගෙන්වා ගැනීමේ මෙම ක්‍රියාවලිය, සෞදි බලධාරීන්, රියාද්හි ශ්‍රී ලාංකික තානාපති කාර්යාලය සහ ජෙඩාහි කොන්සල් ජනරාල් කාර්යාලය අතර පැවති අඛණ්ඩ සහයෝගීතාවයේ ප්‍රතිඵලයකි.
ශ්‍රී ලංකා තානාපති කාර්යාලය - රියාද්
ශ්‍රී ලංකා කොන්සල් ජනරාල් කාර්යාලය - ජෙඩා
2021 මැයි 19 වැනි දින
