அவுஸ்திரேலியா-இலங்கை வர்த்தக சபையினால், 2023, செப்டம்பர் 26 அன்று, மெல்பேர்னில் உள்ள மானிங்ஹாம் ஹோட்டலில் ஏற்பாடு செய்யப்பட்ட இலங்கை சுற்றுலா மன்றத்தில் மெல்பேர்னிலுள்ள இலங்கையின் தூதரக அதிகாரி சந்தித் சமரசிங்க அதிதியாகப் பங்கேற்றார். இந்த விழாவில் 50க்கும் மேற்பட்ட பயண முகவர்கள், சுற்றுலா நடத்துநர்கள், ஹோட்டல் உரிமையாளர்கள், முதலீட்டாளர்கள் மற்றும் ஆர்வமுள்ள தரப்பினர் இலங்கைக்கு உள்வரும் சுற்றுலாவை மேம்படுத்தும் நோக்கில் பங்குபற்றினர்.
அவுஸ்திரேலியா இலங்கை வர்த்தக சபையின் தலைவர் தில்கி பெரேரா மன்றத்திற்கு தலைமை தாங்கினார். சுற்றுலா மற்றும் காணி அமைச்சர் ஹரின் பெர்னாண்டோ மற்றும் இலங்கை சுற்றுலா ஊக்குவிப்பு பணியகத்தின் தலைவர் சாலக கஜபாஹு தலைமையிலான அமைச்சர்கள் குழுவின் அண்மைய விஜயம் பற்றிய தகவல்களை வழங்குவதே இதன் நோக்கமாகும்.
தூதுக்குழுவின் பேர்த், சிட்னி மற்றும் மெல்பேர்ன் ஆகிய இடங்களுக்கான விஜயம் மற்றும் இலங்கையில் நடுத்தர முதல் உயர் வருமானம் ஈட்டும் பயணிகளை இலக்காகக் கொண்டு மேலும் முழுமையான பயண அனுபவத்தை வழங்குவது உட்பட உள்வரும் சுற்றுலாப் பயணிகளின் எண்ணிக்கையை அதிகரிப்பதற்கான அரசாங்கத்தின் உத்தேச திட்டம் குறித்தும் தூதுவர் ஜெனரல் விளக்கினார்.
கேள்வி & பதில் அமர்வின் போது, பங்கேற்பாளர்கள் முன்வைத்த ஆலோசனைகளையும், வழங்கிய முக்கியத்துவம் வாய்ந்த விடயங்களையும் தூதரக அதிகாரி, உரிய இலங்கை அதிகாரிகளுக்கு தெரிவிப்பதாக ஒப்புக்கொண்டார்.
இலங்கை துணைத் தூதரகம்
மெல்போர்ன்
2023, அக்டோபர் 13
