லெபனானுக்கான இலங்கைத் தூதுவர் ஷானி கல்யானரத்ன கருணாரத்ன அவர்கள் 2022 ஜூன் 21ஆந் திகதி லெபனானில் உள்ள ப்ளூ லைனில் உள்ள ஐக்கிய நாடுகளின் இடைக்காலப் படையின் தலைமையகத்தில் தூதுவர் மற்றும் படைத் தளபதி மேஜர் ஜெனரல் அரோல்டோ லாசாரோவை மரியாதை நிமித்தமாகச் சந்தித்தார்.
லெபனானில் உள்ள ஐக்கிய நாடுகளின் இடைக்காலப் படையில் இலங்கைப் படைகளை அதிகரித்தல் உள்ளிட்ட பரஸ்பர நலன்கள் குறித்து அவர்கள் கலந்துரையாடினர். இலங்கைப் படையினரின் சிறந்த நிபுணத்துவத்திற்கே மதிப்பளிக்கப்படுவதாகவும், கடந்த 11 வருடங்களாக லெபனானில் உள்ள ஐக்கிய நாடுகளின் இடைக்காலப் படைக்கு அவர்கள் ஆற்றிய பங்களிப்புக்காக நன்றி தெரிவிப்பதாகவும் படைத் தளபதி தெரிவித்தார். 13 வது படை பாதுகாப்பு நிறுவனத்தின் (லெபனானில் உள்ள ஐக்கிய நாடுகளின் இடைக்காலப் படை) இலங்கை லெப்டினன்ட் கேணல் நயன் சமரகோன் மற்றும் தூதரகத்தின் இணைப்பாளர் (நிர்வாகம்) பிரியந்த தசநாயக்க ஆகியோரும் இந்த சந்திப்பில் கலந்துகொண்டனர்.
தூதுவருக்கு கௌரவ பாதுகாப்பு வழங்கப்பட்டதுடன், படையினர் மற்றும் கவச வாகனங்கள் ஆய்வு செய்யப்பட்டன. இலங்கை இராணுவ கலிப்சோ இசைக்குழுவின் கே9 அணிவகுப்பு மற்றும் இசை நிகழ்ச்சியும் இடம்பெற்றது.
இலங்கைத் தூதரகம்,
பெய்ரூட்
2022 ஜூன் 28
