குடியரசுக் கட்டிடம்

குடியரசுக் கட்டிடத்தின் அப்போதைய தோற்றம்

வெளிநாட்டு அலுவல்கள் அமைச்சு மற்றும் அமைச்சரவை அலுவலகம் என்பவற்றை கொண்டுள்ள குடியரசுக் கட்டிடம், கொழும்பு கோட்டைப் பகுதியில் ஜனாதிபதி இல்லத்திற்கு அடுத்ததாக அமைந்துள்ளது. இது 1972 ஆம் ஆண்டு வரை செனட் கட்டிடம் என அறியப்பட்டது.

இக் கட்டிடமானது பிரிட்டிஷ் காலனித்துவ ஆட்சிக்காலத்தில் இலங்கை சட்டவாக்க சபை இயங்குவதற்காக நிர்மாணிக்கப்பட்டதுடன், 1930 ஆம் ஆண்டு சட்டவாக்க சபையின் பயன்பாட்டிற்காக புதிய கட்டிடம் திறக்கப்படும் வரை இக்கட்டிடம் பயன்படுத்தப்பட்டது. காலனித்துவ ஆட்சிக் காலத்தில், இக்கட்டிடத்தினுள் பெரும்பாலான அரச திணைக்களங்கள் செயற்பட்டு வந்தன.

1948 இல் சுதந்திரத்தைத் தொடர்ந்து, இக்கட்டிடமானது சிலோன் செனட் சபை, பிரதமர் அலுவலகம், அமைச்சரவை அலுவலகம் மற்றும் வெளியுறவுகள் மற்றும் பாதுகாப்பு அமைச்சு ஆகியவற்றுக்கான இல்லமாக காணப்பட்டது. 1972 ஆம் ஆண்டு இலங்கை குடியரசாக மாற்றமடைந்த போது, இக்கட்டிடம் குடியரசுக் கட்டிடம் என பெயர் மாற்றம் செய்யப்பட்டது.