வடக்கு இத்தாலியில் வசிக்கும் இலங்கைச் சமூகத்திற்கு சிறந்த வசதிகளை வழங்குவதற்காக, இத்தாலியின் மிலானில் உள்ள இலங்கையின் துணைத் தூதரகம், வியா ஜியோவனி டா உடின், இல. 15, 20156, மிலான் என்ற புதிய முகவரிக்கு 2021 மே 18ஆந் திகதி மாற்றப்படவுள்ளது.
சுகாதாரப் பாதுகாப்பிற்காக பொதுமக்களுக்கும் அலுவலக ஊழியர்களுக்கும் சமூக இடைவெளியைத் தேவைப்படுத்தும் தற்போதைய கோவிட்-19 தொற்றுநோயை குறிப்பாக கருத்தில் கொண்டு, பொது மக்களுக்கான விசாலமான வசதிகளை புதிய இடம் கொண்டிருக்கும். மிலானில் பொதுப் போக்குவரத்து வசதிகளையுடைய, குறைந்த நெரிசலுடன் கூடிய ஒரு பகுதியில் அமைந்துள்ள இந்த இடத்தினை மக்கள் இலகுவாக அணுகிக் கொள்ளலாம்.
இலங்கைச் சமூகத்திற்கு அதிக செயற்றிறனுடன் சேவைகளை வழங்குவதற்காக, புதிய இடத்திற்கு சென்றவுடன், மிலானில் உள்ள துணைத் தூதரகம் வெளிநாட்டு அமைச்சின் உதவியுடன் பொது மக்களுக்கு 2021 மே 18ஆந் திகதி முதல் நாளாந்த தூதரக சேவைகளுக்கான முன் நியமனங்களைப் பெறுவதற்கான இணையவழி முன் நியமன முறைமையை மீண்டும் அறிமுகப்படுத்தும்.
வெளிநாட்டு அமைச்சு
கொழும்பு
2021 மே 11
