கியூபாவின் தேசிய தினம் இந்த மாதம் 01ஆந் திகதி அனுஷ்டிக்கப்பட்டது. இந்த நிகழ்வின் போது, தூதுவர் ஜுவானா எலெனா ராமோஸ் ரொட்ரிகஸ் அவர்களை வெளிநாட்டு அமைச்சர் தினேஷ் குணவர்தன இலங்கையில் உள்ள கியூபத் தூதரகத்தில் வைத்து சந்தித்து கியூப அரசாங்கத்துக்கு தனது வாழ்த்துக்களைத் தெரிவித்தார். கோவிட்-19 தொற்றுநோயின் போது கியூபா இலங்கைக்கு நல்கிய ஆதரவுகளுக்காக இலங்கை அரசாங்கத்தின் சார்பாக கியூப அரசாங்கத்துக்கு அமைச்சர் மேலும் தனது நன்றிகளைத் தெரிவித்தார்.
அமைச்சர் வாசுதேவ நானாயக்கார, இராஜாங்க அமைச்சர் சுசில் பிரேமஜயந்த, இலங்கை - கியூப நட்புறவுச் சங்கத்தை பிரதிநிதித்துவப்படுத்தும் நாடாளுமன்ற உறுப்பினர்கள் பேராசிரியர் திஸ்ஸ விதாரன மற்றும் யதாமினி குணவர்தன மற்றும் கொழும்பு மாநகர சபை உறுப்பினர் திரு. ஸ்டீவன் உட்பட பல அரசியல் கட்சிகளின் பிரதிநிதிகள் குழு ஆகியோர் கியூபாவின் தேசிய தினத்தன்று கியூப அரசாங்கத்தையும், கியூப மக்களையும் வாழ்த்துவதற்காக இந்த நிகழ்வில் கலந்து கொண்டனர்.
வெளிநாட்டு அமைச்சு
கொழும்பு
2021 ஜனவரி 03
