11 ஒக்டோபர் 2021 அன்று இலங்கைக்கும் மாலத்தீவிற்கும் இடையிலான கப்பல் மற்றும் படகு கட்டுமான தொழிற்றுறையின் பரஸ்பர ஒத்துழைப்பை மேம்படுத்தும் நோக்குடன், இலங்கை ஏற்றுமதி அபிவிருத்தி சபையின் ஒத்துழைப்புடன், மாலத்தீவின் தேசிய படகு சங்கத்திற்கும் இலங்கை படகு மற்றும் கப்பல் கட்டுமான கைத்தொழிலின் பிரதிநிதிகளுக்கும் இடையிலான ஒரு மெய்நிகர் சந்திப்பு வெளிநாட்டமைச்சினால் நடத்தப்பட்டது.
வெளிநாட்டு அமைச்சின் மேலதிக செயலாளர் பி .எம் அம்சா அவர்கள் இந்த சந்திப்பானது இரு நாடுகளுக்குமிடையே அறிவு மற்றும் வளங்களை பரிமாற்றிக்கொள்ள ஒத்துழைப்பை மேம்படுத்துவதற்கான ஒரு தனித்துவமான வாய்ப்பு என்றும் இது உலகை ஒன்றாக சேர்ந்து வெல்ல அதிக வாய்ப்புகளுக்கு வழி வகுக்கும் என்றும் கூறினார் . மேலும் திரு அம்சா அவர்கள் குறிப்பிடுகையில் ,ஏற்றுமதி அபிவிருத்தி சபை இலங்கையின் மூலோபாய இருப்பிடத்தை வலியுறுத்திய அதேவேளை ,கப்பல் மற்றும் படகு கட்டுமான தொழிலை இலங்கையின் முக்கிய மூலோபாய துறையாக அடையாளம் கண்டுள்ளதாக குறிப்பிட்டார் .முதல் ஈடுபாடானது பரஸ்பர ரீதியில் நன்மை பயக்கும் மற்றும் இரு நாடுகளின் பொருளாதாரங்களை மேலும் வலுப்படுத்துவதற்கும் முன்னதாக இருக்கும் இருதரப்பு உறவுகளை வலுப்படுத்துவதற்கும் முன்னுரிமையளிக்கும் என்றும் அவர் கூறினார். விரைவில் ஒரு ஒப்பந்தம் நடைமுறைக்கு வந்தால் இரு நாடுகளுக்கும் நல்லது எனவும் தொடர்ந்து கூறினார்
இலங்கை ஏற்றுமதி அபிவிருத்திச் சபையின் பணிப்பாளர் நாயகம் திருமதி சித்ராஞ்சலி திசாநாயக்க கூறுகையில் , கைத்தொழில்துறையில் மிகவும் நிலையான பங்காளித்துவத்தை நோக்கிய ஒத்துழைப்பை வலுப்படுத்துவதற்கான ஒரு முக்கியமான படியாகும் என சுட்டிக்காட்டியதோடு, மேலும் ஒக்டோபர் 25-29 வரையிலான காலப்பகுதியில் நடைபெறவிருக்கும் படகு கண்காட்சி 2021 இன் கவனம் ஏற்றுமதி அபிவிருத்தி சபையின் கவனம் என்றும், கடல்சார் சுற்றுலா துறையிலும் இலங்கை நுழைவதற்கான நடவடிக்கைகளை எடுத்துள்ளது என்றும், உலகளாவிய பங்காளிகளை சந்திக்க இந்தத் துறையில் ஒத்துழைப்பு நிச்சயமாக உள்ளது என்றும் வலியுறுத்தினார். மேலும் அவர் மாலத்தீவு படகு துறையை பரந்த தொடர்புகளை உருவாக்க படகு கண்காட்சியில் பதிவு செய்து பங்கேற்க அழைப்பு விடுத்தார்.
மாலத்தீவின் தேசிய படகு சங்கத்தின் தலைவர் அகமது அப்ரா அவர்கள் , மாலத்தீவின் நேரடி விளம்பர பலகைகள் மற்றும் சுற்றுலாத் துறை தொடர்பாக படகு கட்டும் தொழில் குறித்து விளக்கினார் . மேலும் பொருளாதார மற்றும் சமூக வளர்ச்சி அம்சங்களை உறுதி செய்யும் மாலத்தீவின் படகுத் தொழிலை மேம்படுத்த மாலத்தீவின் தேசிய படகு சங்கத்தில் முக்கிய கவனம் செலுத்தினார். மேலும், கடல்சார் கண்காட்சிகள், மாலத்தீவுபடகு விருதுகள் நிகழ்வு மற்றும் பாதுகாப்பான தங்குதல் போன்றவை சுற்றுச்சூழல் விழிப்புணர்வு ஊக்குவிப்புகள் குறித்த பத்திரிகை வெளியீடுகளுடன் சங்கத்தால் மேற்கொள்ளப்பட்ட சில முக்கிய நடவடிக்கைகளாகும் என்று திரு. அப்ரா குறிப்பிட்டார். மாலத்தீவில் சுற்றுலா பயணிகளுக்கு வழங்கப்பட்ட நேரடி பலகைகள் மற்றும் வசதிகளின் விளக்கங்கள் இந்த விளக்க காட்சியில் அடங்கியுள்ளன . மேலும் இந்தத் துறையின் தேவைகளை நிறைவேற்ற அவர்களுடன் இணைந்து பணியாற்ற வேண்டும் என்று வலியுறுத்திய அவர், பரஸ்பர நலன்சார்ந்த துறைகளில் நிபுணத்துவத்தை ஆதரிக்கவும் பகிர்ந்து கொள்ளவும் ஒரு ஒப்பந்தத்தைப் பரிந்துரைத்தார்.
தெற்காசிய பிராந்தியத்தில் இலங்கையை படகு கட்டும் மையமாக மாற்றுவதே இத்திட்டத்தின் முக்கிய நோக்கமென்று இலங்கை படகு கட்டுமான தொழில்நுட்ப நிறுவனத்தின் நிர்வாக இயக்குனர் காமினி ஹேரத் அடிக்கோடிட்டு காட்டினார் . மேலுமாக , சில உற்பத்திகளில் படகு பாகங்கள் , உயிர் காக்கும் ஆடைகள் ,படகு மற்றும் கப்பல் பழுதுபார்க்கும் உபகரணங்கள் ஆடம்பர படகு மற்றும் உல்லாச படகு பழுதுபார்க்கும் கருவிகள் மற்றும் அவற்றின் சேவைகள் ஆப்பிரிக்கா, ஐரோப்பா மற்றும் சில மத்திய கிழக்கு நாடுகளிலும் இந்தோனேசியா மற்றும் மாலத்தீவுகளிலுமுள்ள சந்தைகள் வரை நீட்டிக்கப்பட்டுள்ளன .
இந்த கலந்துரையாடலின் போது , மாலத்தீவில் 10,000 முதல் 20,000 இயக்கங்கள் தீவு நாட்டைச் சுற்றி வருகின்றன என்று சுட்டிக்காட்டிய மாலத்தீவு தரப்பு, மாலத்தீவு சந்தையில் களம் இறங்க இலங்கை அதிகம் தயாராக இல்லாதது குறித்து கவலை தெரிவித்தது . சிறந்த முதலீடு மற்றும் வணிக ஈடுபாடுகளை எளிதாக்குவதற்காக தொழில்துறையில் கூட்டு முயற்சிகள் தேவை என்றும் முன்மொழியப்பட்டது. இரட்டை வரி விதிப்பு தவிர்ப்பு ஒப்பந்தம் இல்லாததை இலங்கை தரப்பு குறிப்பிட்டது, இதன் விளைவாக மற்ற தடைகளுக்கு மத்தியில் வரிச்சுமை காரணமாக துறையை அணுக முடியவில்லை, மேலும் நெருக்கமான ஒத்துழைப்புக்காக தொழில்துறை குறித்த ஒப்பந்தத்தை உருவாக்குவது மற்றும் உறவுகளை புதிய உச்சத்திற்கு கொண்டு செல்வது குறித்து இரு தரப்பினரும் பணியாற்ற ஒப்புக் கொண்டனர்.
இந்த சந்திப்பு இலங்கை உயர்ஸ்தானிகராலயத்தால் ஏற்பாடு செய்யப்பட்டது .இந்நிகழ்வில் வெளிநாட்டு அமைச்சு மற்றும் ஏற்றுமதி அபிவிருத்திச் சபையின் சிரேஷ்ட அதிகாரிகள் ,கொழும்பு கப்பல்துறை பிரதிநிதிகள் ,இலங்கை படகு மற்றும் கப்பல் கட்டும் தொழிலின் நிர்வாகிகள் ,மற்றும் மாலத்தீவு தேசிய படகு சங்கத்தின் நிர்வாகிகள் கலந்து கொண்டனர் .
இலங்கை உயர்ஸ்தானிகராலயம்
மாலி
14 ஒக்டோபர் 2021
