இலங்கைக்கான ஈரான் இஸ்லாமியக் குடியரசின் முழு அதிகாரமுடைய மற்றும் சிறப்புத் தூதுவரின் நியமனம்

மேன்மைதங்கிய (திரு.) முஹம்மத் ஸயேரி அமிரானி அவர்களைத் தொடர்ந்து இலங்கைக்கான ஈரான் இஸ்லாமியக் குடியரசின் முழு அதிகாரமுடைய மற்றும் சிறப்புத் தூதுவராக திரு. ஹாஷெம் அஷ்ஜஸாதே அவர்கள் இலங்கை அரசாங்கத்தின் ஒப்புதலுடன் ஈரான் இஸ்லாமியக் குடியரசின் அரசாங்கத்தால் நியமிக்கப்பட்டுள்ளார். அவர் தனது தகுதிச் சான்றுகளை இலங்கை ஜனாதிபதி அதிமேதகு கோத்தாபய ராஜபக்ஷ அவர்களிடம் 2020 மே 14 ஆந் திகதி காலை 11.00 மணிக்கு சமர்ப்பித்தார்.

இலங்கையில் முதல் முறையாக வீடியோ மாநாட்டினூடாக இந்தத் தகுதிச் சான்றுகள் வழங்கி வைக்கப்பட்டன.