வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத், 2026, மார்ச் 1 முதல் 3 வரையில் ருமேனியாவிற்கு உத்தியோகபூர்வ பயணமொன்றை மேற்கொள்ளவுள்ளார்.
இவ்விஜயத்தின் போது, வெளிநாட்டு அலுவல்கள் அமைச்சர், தொழிலாளர், குடும்பம், இளைஞர் மற்றும் சமூக ஒற்றுமைக்கான அமைச்சர் மற்றும் ருமேனியாவின் பொருளாதாரம், டிஜிட்டல் மயமாக்கல், தொழில்முயற்சியாண்மை மற்றும் சுற்றுலாத்துறை அமைச்சர் ஆகியோருடன் அமைச்சர் ஹேரத் உயர்மட்ட கலந்துரையாடல்களில் ஈடுபடவுள்ளார். இச்சந்திப்புக்களில், இரு நாடுகளுக்கும் இடையே நீண்டகாலமாக நிலவிவருகின்ற, இருதரப்பு உறவுகளை மேலும் பலப்படுத்தி, மேழும் விரிவுபடுத்தும் நோக்கில், பரஸ்பர ஆர்வமுள்ள விடயங்களில் கவனம் செலுத்தப்படுவதுடன், கட்டமைக்கப்பட்ட தொழிலாளர் இயக்கத்தை மேம்படுத்துதல், நிறுவன ஒத்துழைப்பை வலுப்படுத்துதல் மற்றும் குறிப்பாக பாதுகாப்பானதும், சீரானதும் மற்றும் வழமையானதுமான புலம்பெயர்வை ஊக்குவித்தல் ஆகியவற்றில் முக்கியத்துவம் அளிக்கப்படும்.
தொழிலாளர் துறையில் ஒத்துழைப்பு குறித்த இருதரப்பு புரிந்துணர்வு ஒப்பந்தத்தில் இரு அமைச்சர்களும் கைச்சாத்திடவுள்ளனர். இப்புரிந்துணர்வு ஒப்பந்தமானது, தொழிலாளர் மற்றும் வேலைவாய்ப்புத் துறைகளில் மேம்பட்ட ஒத்துழைப்புக்கான முறையான கட்டமைப்பை நிறுவுவதுடன், இந்த ஒத்துழைப்பானது, வெளிப்படையானதும், ஒழுங்குபடுத்தப்பட்டதும் மற்றும் பரஸ்பர நன்மை பயக்குவதுமானதாகவும் மேற்கொள்ளப்படுவதை உறுதி செய்கிறது.
வெளிநாட்டு அலுவல்கள், வெளிநாட்டு வேலைவாய்ப்பு
மற்றும் சுற்றுலாத்துறை அமைச்சு
கொழும்பு
2026, பெப்ரவரி 25
