වියට්නාම රාජ්‍ය බැංකුව (SBV) ලෙස හැඳින්වෙන වියට්නාම මහ බැංකුවේ අධිපති Nguyen Thi Hong, මහත්මිය පසුගිය මාස 12 තුළ ශ්‍රී ලංකාවේ ආර්ථිකයේ වර්ධනය පිළිබඳව ශුභවාදී සහ දිරිගන්වනසුලු අදහස් වියට්නාමයේ ශ්‍රී ලංකා තානාපති මහාචාර්ය ඒ. සාජ් යූ. මෙන්ඩිස් මහතා වියට්නාම රාජ්‍ය බැංකු ප්‍රධාන කාර්යාලයේදී හමුවූ අවස්ථාවේදී ප්‍රකාශ කළාය. මහ බැංකු අධිපතිනිය සහ තානාපතිවරයා යන දෙදෙනාම ක්ෂුද්‍ර හා සාර්ව ආර්ථික ගැටලු සහ ප්‍රතිපත්ති මෙන්ම වියට්නාමය විසින් ආරම්භ කර ක්‍රියාත්මක කරන ලද මූල්‍ය හා ෆිස්කල් ප්‍රතිපත්ති පිළිබඳව සවිස්තරාත්මකව සාකච්ඡා කළ අතර එමඟින් වියට්නාමය පසුගිය දශක කිහිපය තුළ පෙර නොවූ විරූ ආර්ථික වර්ධනයක් ලබා ඇත.
Hong මහ බැංකු අධිපතිනිය, කීර්තිමත් "ග්ලෝබල් ෆිනෑන්ෂල් සඟරාව" විසින් ලෝකයේ වඩාත්ම ඵලදායී සහ දක්ෂ මහ බැංකුකරුවන් ලෙස තෝරා ගන්නා ලද මහ බැංකු අධිපතිවරුන් තිදෙනාගෙන් කෙනෙකු වේ. තානාපති මෙන්ඩිස් මහතා රැස්වීම අතරතුර මෙන්ම ලිඛිතව ද SBV විසින් ක්‍රියාත්මක කරන ලද ඵලදායී සහ ප්‍රතිඵල ඉලක්ක කරගත් ප්‍රතිපත්ති පිළිබිඹු කරන මෙම ජයග්‍රහණය පිළිබඳව ප්‍රශංසා කළාය. එමෙන්ම, Hong මහ බැංකු අධිපතිනිය විසින් ලොව හොඳම සහ දක්ෂ මහ බැංකුකරුවෙකු ලෙස ග්ලෝබල් ෆිනෑන්ෂල් සඟරාව විසින් තෝරා ගනු ලැබූ ශ්‍රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ මහතා වෙත සුභ පැතුම් පිරිනැමුවා ය. මාස 12 ක කාලයක් තුළ උද්ධමනය 65% සිට 5% දක්වා අඩු කිරීමට මෙන්ම පොලී අනුපාත කැපී පෙනෙන ලෙස අඩු කිරීමටත්, නිල විදේශ සංචිත ඉහළ නැංවීමටත්, ශ්‍රී ලංකාවේ ජාතික මුදල් ස්ථාවර කිරීමටත් ශ්‍රී ලංකාව සමත් වූ බව Hong මහ බැංකු අධිපතිනිය සඳහන් කළාය. අද වියට්නාමය ලෝකයේ වේගයෙන්ම වර්ධනය වන ආර්ථිකයක් බවට පත්ව ඇති බවත්, ඒ අනුව ලොව පුරා ප්‍රධාන දියුණු ආර්ථිකයන් සහ විශාල බහුජාතික සමාගම් විසින් එය හඳුනාගෙන ඇති බවත් තානාපතිවරයා ප්‍රකාශ කළේය. ඕනෑම සංවර්ධිත හෝ සංවර්ධනය වෙමින් පවතින රාජ්‍යයක මහ බැංකුවක් ආර්ථික දිශානතිය සහ මෙහෙයවීම කෙරෙහි ප්‍රධාන හා මූලික කාර්යභාරයක් ඉටු කරන බව ඔහු පැවසීය. 1990 කාල වකවානුවේ දී වියට්නාමයේ ඒක පුද්ගල දළ දේශීය නිෂ්පාදිතය ඩොලර් 90 ක් පමණක් වූ අතර අද එය ඩොලර් 4,450 දක්වා ඉහළ ගොස් ඇති අතර 2022 දී ඩොලර් බිලියන 370 කට වැඩි අපනයන ඇතුළුව වියට්නාමයේ ද්විපාර්ශ්වික වෙළඳාම ඩොලර් බිලියන 730 ඉක්මවයි. වියට්නාමය උද්ධමනය, පොලී අනුපාත සහ විරැකියාව වැනි යහපත් ආර්ථික දර්ශක සමඟ ආර්ථික හා දේශපාලන ස්ථාවරත්වයක් පවත්වාගෙන යනු ලබයි.
2022 දී වියට්නාමයට ඩොලර් බිලියන 20 ඉක්ම වූ සෘජු විදේශ ආයෝජන ලැබීමේ සහ 2023 දී ඩොලර් බිලියන 30 ක පමණ සෘජු විදේශ ආයෝජනයක් අපේක්ෂා කිරීමෙහිලා විදේශ ආයෝජකයින්, ආයතනික සහ විදේශ ආයෝජන රට තුළට ගලා ඒම සඳහා වටපිටාවක් නිර්මාණය කිරීමේ දී වියට්නාම රාජ්‍ය බැංකුව ප්‍රධාන සහ තීරණාත්මක වූ බව තානාපති මෙන්ඩිස් මහතා ප්‍රකාශ කළේය. රට තුල ක්‍රියාත්මක වන සමහර විශාලතම ආයතනයන් විසින් සැලකිය යුතු ආයෝජන සහ සෘජු විදේශ ආයෝජනයන් වියට්නාමය තුල සිදු කර ඇති අතර එය ඩොලර් බිලියන 450 ක මුළු සෘජු විදේශ ආයෝජන සංචිතයක් වේ.
වියට්නාමයේ ආර්ථික ප්‍රගමනයේ මෙම සුවිශේෂී ජයග්‍රහණයේ නිශ්චයීය සහ තීරණාත්මක සාධකයක් වන්නේ ප්‍රධාන සහ තෝරාගත් රටවල් 17ක් සමඟ ඇති නිදහස් වෙළඳ ගිවිසුම් සහ හවුල්කාරිත්ව ගිවිසුම් බව මහ බැංකු අධිපතිනිය සහ තානාපතිවරයා ප්‍රකාශ කළහ. ශ්‍රී ලංකාව ද දකුණු ආසියාවේ ප්‍රධාන රටවල් සමඟ නිදහස් වෙළඳ ගිවිසුම් ඇතිකරගෙන ඇති බවත් අපනයන ඉහළ නැංවීම සඳහා සහ සෘජු විදේශ ආයෝජන සහ විදේශීය ආයතනික ආයෝජන ආකර්ෂණය කර ගැනීම සඳහා තෝරාගත් රටවල් සමඟ නිදහස් වෙළඳ ගිවිසුම් ගණනාවක් අවසන් කිරීමේ ක්‍රියාවලියේ පවතින බව තානාපති මෙන්ඩිස් මහතා ප්‍රකාශ කළේ ය. වියට්නාමය ඇතුළු රටවල ආර්ථික ප්‍රගතියට සහ ප්‍රගමනයට හේතු වූ ප්‍රතිපත්ති සහ ක්‍රියාමාර්ග පිළිබඳව මහ බැංකු අධිපතිනිය සහ තානාපතිවරයා සාකච්ඡා කළහ.
ශ්‍රී ලංකා තානාපති කාර්යාලය
හැ නොයි
2023 සැප්තැම්බර් 21
