තානාපති ආචාර්ය පාලිත කොහොන මැතිතුමා 2021 ජුනි 22 වැනි දින ෂුවේෆෙන්ග් හූ නායක ස්වාමීන් වහන්සේගේ ප්‍රභූ ආගන්තුකයකු ලෙස බීජිං හි යොං හේ ලාමා විහාරස්ථානයට පැමිණියේය. ෂුවේෆෙන්ග් හූ නායක ස්වාමීන් වහන්සේ තානාපතිවරයා වෙනුවෙන් ඉහළ පෙළේ පිළිගැනීමේ උත්සවයක් සංවිධානය කළහ.
නායක ස්වාමීන් වහන්සේ සහ ආචාර්ය කොහොන මැතිතුමා විහාරස්ථානයේ භාවනා කුටියේ දී ඉතා ඵලදායී සංවාදයක් පැවැත්වූහ. නායක ස්වාමීන් වහන්සේ මීට කලකට පෙර ශ්‍රී ලංකාවට පැමිණ ඇති අතර, ඒ පිළිබඳ ආදරණීය මතකයන් දැරූහ. ගැඹුරු බෞද්ධ සංස්කෘතිය සහ මෙහි වැසියන්ගේ අවංකභාවය උන්වහන්සේ පුදුමයට පත් කළේය. වසංගතය පාලනය කළ පසුව ශ්‍රී ලංකාවේ තවත් සංචාරයක නිරත වීම සඳහා නායක ස්වාමීන් වහන්සේ පිළිගන්නා බවට ආචාර්ය කොහොන මැතිතුමා පිළිතුරු දුන්නේය. එවැනි සංචාරයක් මඟින් පුද්ගලාන්තර සබඳතා සඳහා ජනතාව දිරිමත් කරන අතර, රටවල් දෙක අතර වඩා හොඳ අවබෝධයක් ඇති කරයි.
කියන්ලොං අධිරාජ්‍යයා 1694 දී තම රාජකීය නිවස විහාරයක් බවට පරිවර්තනය කරමින් ලාමා පන්සල ඉදිකරන කළේය. එතුමා උපත ලැබුවේ මෙම නිවසේ දීය. අද එහි ඉඩකඩ සහිත නිවාස තුළ භික්ෂූන් වහන්සේලා 120 නමක් වැඩ සිටින අතර සෑම වසරකම නරඹන්නන් මිලියන 3 ක් ආකර්ෂණය කර ගනී. චීනයේ බෞද්ධ විහාරස්ථාන 30,000 කට අධික සංඛ්‍යාවක් පවතින බවත්, ශ්‍රී ලංකාව සමඟ සබඳතා වර්ධනය කර ගැනීම උන්වහන්සේගේ එක් අරමුණක් බවත් ෂුවේෆෙන්ග් හූ නායක ස්වාමීන් වහන්සේ පැවසූහ.
ශ්‍රී ලංකා තානාපති කාර්යාලය
බීජිං
2021 ජූනි මස 26 වැනි දින
